Komunitatera iritsi berriei babesa eskaintzeko igarotze erritoa
Atsolorra Euskal Herriko hainbat lekutan egiten zen, Eliza katolikoak, XVI. mendean, debekatu eta haren ordez bataioa arautu zuen arte.
Komunitateko “atsoek” haurdunaldi zein erditzean ama eta jaioberriari ematen zioten laguntza du igarobide errito honek ezaugarri nagusi. Adineko emakumezkoek soilik hartzen zuten parte zaintza komunitario horretan, jaio berriari babesa eta onarpen soziala emanaz.
Egun, ohitura zaharra gaurkotu eta berreskuratzeko ahaleginean ari dira zenbait herritan. Transmisio emozionala eta zaintza kolektiboa oinarri, bizialdiaren hastapenean komunitatera etorri berriari afektua eta babes komunitarioa eskaintzea du helburu ALTZOLORRAK.
